İstanbulda güclü partlayış: 10 ölü - FOTO + VİDEO

Türkiyənin İstanbul şəhərindəki Sultanəhməd Meydanında partlayış baş verib.

Oxu.Az xəbər verir ki, nəşrin məlumatına görə, hadisə nəticəsində ölənlər və yaralananlar var.

Onların sayı barədə məlumat dəqiqləşdirilir.

Digər KİV-in məlumatına görə, partlayışın episentri meydan yaxınlığındakı tramvay xəttinin dayanacağı olub.

Partlayışın səbəbi hələlik məlum deyil. Versiyalardan birinə görə, partlayışı terrorçu-kamekadze törədə bilər.

Hadisə yerinə çoxlu sayda polis və təcili tibbi yardım maşınları gəlib.

*

Türkiyə KİV-in məlumatına əsasən partlayışda 10 nəfər həlak olub. Ölənlərin vətəndaşlığı hələ müəyyən edilməyib.

Xəsarət alanlar arasında polislər də var.

Metro stansiyalarında iş dayandırılıb. Polis ikinci partlayışın olacağından çəkinir.