Quş südü tortu

140 qram un

350 qram kərə yağı 

400 qram şəkər 

2 yumurta

75 qram şokolad

100 qram bişmiş süd

60 qram yumurta ağı

½ çay q. limon duzu

1 paket vanil

4 qram aqar-aqar jelatin əvəzedici

Hazırlanması: Aqar-aqarı 140 qram suda 2-3 saat isladın.100 qram kərə yağını 100 qram şəkər ilə çalın, 2 yumurta, yarım paket vanil və unu əlavə edin və qarışdırın. Xəmiri iki hissəyə bölün.Yumru formada olan soba qabına yağlı kağız qoyun. Əvvəlcədən isidilmiş 200 dərəcəli sobada növbə ilə 10 dəqiqə bişirin. 200 qram kərə yağı və bişmiş südü, qalan vanillə  çalın. Aqar-aqarı odda qaynayana qədər qarışdırın, oddan götürməmək şərti ilə üzərinə 300 qram şəkər əlavə edin və qaynayana qədər qarışdırın. Sirop bal halında olmalıdır. Kənara qoyub soyumasını gözləyin. Yumurta ağını bərkiyənə qədər mikserlə çalın, limon duzu əlavə edib bərkiyənə qədər çalmağa davam edin.Üzərinə isti siropu əlavə edin.Və bərkiyənə qədər mikserlə çalın.Mikserin sürətini azaldın və südlü-yağlı vanilli qarışığı əlavə edin.Bir kütlə alınanda sufleniz hazırdır.  Tort hazırlayacağınız qaba korjun birini qoyun, üstünə suflenin yarısını tökün, 2-ci korju qoyun və qalan sufleni üstünə tökün.Soyuducuda 3-4 saat saxlayın ki, sufle bərkisin. Şokoladı 50 qram yağ ilə odda əridin və şokoladlı qlazuru tortun üstünə tökün və 30 dəqiqə soyucuda saxlayın.

Mənbə: metbexdenxeberler.com