Kumpir

Ərzaqlar:

Iri kartof – 2 ədəd (adam sayına görə artıra bilərsiz)     
Yaşıl noxud konservi – 1 qab
Duzlu xiyar – 5 ədəd
Qarğıdalı konservi – 1 qab
Ketçup
Mayonez
Duz
Kərə yağı – 1 qaşıq

Hazırlanması:

Kartoflar təmiz yuyulub, qazana yarıya kimi su alıb, kartofları bişirin. Kartoflar bişməyə az qalmış götürülür. Çox yumşaq olmamalıdır ki, sobada da bişməyə zamanı olsun.  Qazandan çıxarıb, sobada 240 dərəcədə 30 dəqiqə bişirin. Onlar bişərkən içliyi hazırlayın. Qarğıdalı və noxudun suyunu süzün, qabda qarışdırın. Bura doğranmış duzlu xiyar, mayonez qatıb qarışdırın.

Kartofları sobadan çıxarıb, ortasından kəsib içini qaşıqla çıxarın. Içindən çıxanı əzib pure edib, duz, kərə yağı vurun. Yenidən bu püreni kartofun içinə doldurub yayın. Sonra üstünə içlikdən qoyub doldurun. Üzərinə ketçup sıxaraq, süfrəyə isti isti verin. Görün evdəkilər bu yeməyə görə başınıza firlanır ya yox?!

Mənbə: Sufrem.az